Гэтая сістэма дазваляе, у межах магчымасцяў, вызначаных магутнасцю рухавіка, падтрымліваць любую зададзеную сталую хуткасць на ўзроўні не ніжэй за 35 км/г. Дзякуючы гэтаму змяншаецца стамляльнасць кіроўцы, змушанага, асабліва пры далёкіх паездках, падоўгу трымаць нагу на педалі акселератара.
Увага! Круіз-кантролем не рэкамендуецца карыстацца пры высокай інтэнсіўнасці руху і неспрыяльным стане праезнай часткі (пры галалёдзе, небяспецы аквапланавання ці выкіду друзу з-пад колаў).
Для ўключэння круіз-кантролю варта націснуць на выключальнік 1 на задняй частцы цэнтральнай кансолі. Пры паўторным націску на выключальнік круіз-кантроль адключаецца.
Пры дасягненні аўтамабілем хуткасці не ніжэй за 40 км/г, якую хацелася б падтрымліваць пастаяннай, дастаткова націснуць на перамыкач 2 з правага боку рулявога кола варта перавесці ўверх ці ўніз. Пасля гэтага можна зняць нагу з педалі акселератара.
Для таго, каб пераключыцца на звычайны рэжым кіравання аўтамабілем, трэба выціснуць педаль тормазу ці счапленні а рычаг кіравання АКПП перавесці ў становішча N ці ж адціснуць перамыкач 2 да рулявога кола. Хуткасць, з якой рухаўся аўтамабіль да пераходу на звычайны рэжым, захоўваецца ў памяці і з ёй можна рухацца зноў, перавядучы перамыкач 2 уверх.
Хуткасць можна павялічыць звыш запраграмаванага ўзроўня, не націскаючы пры гэтым на педаль акселератара. Для гэтага трэба толькі ўтрымліваць перамыкач 2 адціснутым уверх датуль, пакуль аўтамабіль не разгоніцца да патрэбнай хуткасці. Для руху з меншай хуткасцю, чым зададзеная раней, перамыкач 2 трэба адціснуць уніз і ўтрымліваць да пераходу аўтамабіля на павальнейшы рух.
Выдаліць уведзеныя значэнні можна, выключыўшы запальванне ці націснуўшы на выключальнік 1.